સૈા પ્રથમ બધા વેજીટેબલ ને મિડી યમ સાઇઝ ના સમારી લો.એક તપેલી માં પાણી ગરમ કરો ત્યાર બાદ તેમાં બધા વેજીટેબલ ને પાર બોઇલ કરો..તેમાં સ્વાદ મુજબ મીઠું અને 1/2 ચમચી ખાંડ નાખો જેથી વેજીટેબલ નો કલર એવો જ રહેશે.ત્યાર બાદ તેને એક કાણા વાળા વાસણ મા નિતારી લો.

હવે ડુંગળી,ટામેટા અને લસણ ને ઝીણા સમારી લો.કાજુ, મગજતરિ ના બી અને આદુ ની પેસ્ટ બધું તૈયાર કરી લો.ત્યાર બાદ એક કડાઈ માં તેલ ગરમ કરો.તેમાં બધા ખડા મસાલા ઉમેરો.

તે ગરમ થાય એટલે તેમાં સમારેલા ડુંગળી,ટામેટા અને લસણ નાખો.કાજુ મગજતારી ના બી અને આદુ પણ નાખી દો.તેમાં મીઠું સ્વાદાનુસાર ઉમેરી ને હલાવી લો અને થોડી વાર ચડવા દો.ત્યાર બાદ તેમાં મરચું,હળદર, ધાણાજીરુ અને ગરમ મસાલો નાખી ને હલાવી લો.ત્યાર બાદ ગેસ બંધ કરી થોડી વાર ઠરવા દો ત્યાર બાદ તેની ગ્રેવી બનાવી લો..

હવે એક કડાઈમાં તેલ અને ઘી બંને ગરમ કરો.ત્યાર બાદ તેમાં બનાવેલી ગ્રેવી ને ઉમેરી દો.થોડી વાર ઉકળવા દો.

તેલ ઉપર આવે એટલે તેમાં મલાઈ અને કિચન કિંગ મસાલો ઉમેરી લો.હવે તેને હલાવી લો ત્યાર બાદ તેમાં વેજીટેબલ ઉમેરો.

હવે તેમાં પનીર ના પીસ અને થોડો ભૂકો કરી ને નાખો.તેને ધીમા તાપે ખદખદવા દો એટલે તેલ ઉપર આવી જશે.ત્યાર બાદ ગેસ બંધ કરી દો.

હવે તેને એક બાઉલ માં કાઢી લો.ઉપર ડુંગળી ની રીંગ અને કોથમીર થી ગાર્નિશ કરો.

તેને સર્વ કર્યું છે.

તો તૈયાર છે મિક્ષ વેજીટેબલ સબ્જી