રવા ઈડલી નું બેટર તૈયાર કરવા માટે સૌ પ્રથમ એક બાઉલમાં રવો લઈ તેમાં સ્વાદ અનુસાર મીઠું અને દહીં ઉમેરી થીક બેટર તૈયાર કરવાનું છે. તેને મીનીમમ ૩૦ મિનીટ માટે ઢાંકીને સાઈડ પર રાખી દેવાનું છે.

એક કડાઈમાં તેલ ગરમ મૂકી તેમાં રાઈ, અડદની દાળ અને લીમડાનો વઘાર કરવાનો છે.

અડદની દાળ આછી ગુલાબી રંગની થાય ત્યાં સુધી ધીમા તાપે તેને શેકવાનું છે. ત્યારબાદ આ વઘારને તૈયાર કરેલા ઇડલીના બેટરમાં ઉમેરવાનો છે.

થોડું દહીં અને ઈનો ઉમેરી બરાબર રીતે ફીણી ઈડલી મુકવા માટે બેટર તૈયાર કરવાનું છે.

ઈડલી બનાવવા માટેના સ્ટેન્ડને તેલથી ગ્રીસ કરી તેમાં તૈયાર કરેલુ બેટર ભરવાનું છે અને 10 થી 15 મિનિટ માટે કુક થવા દેવાની છે. જેથી આપણી રવા ઈડલી તૈયાર થઈ જશે.

એક કડાઈમાં તેલ ગરમ મૂકી તેમાં રાઈ, સૂકા લાલ મરચાં અને અડદની દાળ ઉમેરવાની છે.

તેમાં ચણાની દાળ, લીમડો અને હિંગ ઉમેરી બરાબર રીતે શેકી લેવાનું છે. આ મિશ્રણને ઠંડુ થઈ જવા દેવાનું છે રૂમ ટેમ્પરેચર પર આવે એટલે તેને મિક્સર ની જાર માં લઇ ક્રશ કરી તેનો બારીક પાઉડર બનાવી લેવાનો છે. અને આ મસાલાને સાઈડ પર રાખી દેવાનો છે.

એક કડાઈમાં બટર ગરમ મૂકી તેમાં સમારેલી ડુંગળી અને સમારેલું લસણ ઉમેરવાનું છે.

ત્યારબાદ તેમાં સમારેલા લીલા મરચા, સમારેલા ટામેટાં અને તૈયાર કરેલો મસાલો ઉમેરવાનો છે અને બધું બરાબર રીતે મિક્સ કરી ૨થી ૩ મિનિટ માટે કુક થવા દેવાનું છે.

હવે તેમાં તૈયાર કરેલી ઈડલી ડીપ કરી બંને તરફથી તેને સરખી કોટ કરી લેવાની છે.

આ ઈડલીને ઝીણી સમારેલી ડુંગળી થી ગાર્નીશ કરી કોકોનટ ચટણી સાથે સર્વ કરી શકાય.