સૌ પ્રથમ સ્ટફિંગ તૈયાર કરવું. જેનાં માટે એક પેન માં તેલ લઈ રાઈ તતડાવી ડુંગળી ઝીણી સમારેલી ઉમેરી ગુલાબી થાય ત્યાં સુધી સાંતળો. આદું મરચાં લસણ ની પેસ્ટ ઉમેરી પકાવો.

પછી તેમાં ટોમેટો અને લીલાં વટાણા ઉમેરી પકવો. બરાબર ચડે પછી તેમાં બધા મસાલા કરો જેમાં મીઠું, લાલ મરચું, હળદર, ધાણાજીરું, આમચૂર પાઉડર, ગરમ મસાલો ઉમેરી મિશ્રણ ને હલાવો. ત્યારબાદ બાફેલા બટાકા ને સ્મેષ કરી ને નાંખી બરાબર હલાવી ગેસ બંધ કરી લો એટલે પુરણ તૈયાર થશે. જેને ઠંડુ થવા મુકવું.

ઈડલી નુ ખીરુ તૈયાર કરવા માટે એક બોલ માં રવો લઈ દહીં કે છાશ ઉમેરી હલાવો. જેને રવો ફૂલે ત્યા સુધી ૧૫ મિનીટ માટે રેસ્ટ કરવા મૂકવું.

હવે ખીરુ માં મીઠું અને સોડા ઉમેરી હલાવો..મે અહીં ૨ ટાઈપ થી ઇડલી ને સ્ટફ કરી છે જેમાં પેહલા ૨ ગ્લાસ ને તેલ થી ગ્રીસ કરી થોડુ ખીરુ ઉમેરી ઉપર તૈયાર કરેલ પુરણ ભરી પાછું ઊપર ખીરુ રેડી ગ્લાસ તૈયાર કરવાં.

હવે ઢોકળીયા ને દસ મિનિટ પ્રી હિટ કરી ગ્લાસ ને મૂકી ૧૫ થી ૨૦ મિનિટ માટે ઈડલી ને પકાવવી.

બીજા એક ઈડલી ના મોલડ માં ખીરું ભરી ફોટો માં બતાવ્યા પ્રમાણે સ્ટફિંગ ભરી ઈડલી ને પકાવો. ગ્લાસ વાળી ઈડલી ને અન મોલ્ડ કરી કટ કરવી

તૈયાર ઈડલી ને ઈચ્છાનુસાર ગાર્નિશ કરી પ્લેટ્ટિંગ કરવું.. લીલી ચટણી કે સાંભાર ચટણી સાથે સર્વ કરી શકાય.