સૌ પ્રથમ પતરવેલ ના પાના ને ધોઈ કોરા કરી નસો કાઢી લેવી.એક તપેલા માં ખીરા માટે ની બધી સામગ્રી લઈ તેને બરાબર મીક્સ કરી જરૂર પ્રમાણે પાણી ઉમેરી જાડું ખીરું તૈયાર કરવું.તેમાં ખાવા નો સોડા ઉમેરી હલાવી લેવું.

એક મોટું પાન લઈ તેને ઊંધું મૂકવું અને તેના પર તૈયાર કરેલ ખીરું ચોપડી ઉપર બીજું પાન ગોઠવી તેના પર પણ ખીરું ચોપડી તેને બન્ને બાજુ થી વાળી ને તેના પર ખીરું લગાવી તેને ઉપર થી નીચે ની તરફ વાળી ને રોલ બનાવી લેવા.આ જ રીતે બધા રોલ તૈયાર કરવા.

એક સ્ટીમર માં સ્ટીલ ની કાણાં વાળી ચારણી કે પ્લેટ ને તેલ થઈ ગ્રીસ કરી બધા રોલ ને ગોઠવી દેવગરમ હવા ની હેરફેર રહે એ રીતે ગોઠવવા અને ઢાંકી ને ૫૦-૫૫ મિનિટ થવા દેવા.

પાત્રા ચઢી જાય એટલે ગેસ બંધ કરી તેને થોડીવાર સીઝવા દેવા.ઠંડા પડે એટલે તેને ગોળ કાપી લેવા.

વઘાર માટે એક પેન માં તેલ લઈ તેલ ગરમ થાય એટલે તેમાં રાઈ ઉમેરવી તતડે એટલે તેમાં સમારેલું લસણ, મેથી,તલ,હીંગ ઉમેરી હકાવી તેમાં સમારેલા પાત્રા ઉમેરી હલાવી ૫-૭ મિનિટ થવા દેવું પછી તેમાં લીંબુ નો રસ ઉમેરી હલાવી ગેસ બંધ કરવો.ઉપર લીલા ધાણા અને કોપરા ના છીણ થી ગાર્નિશ કરી ગરમ ગરમ પીરસવા. તો તૈયાર છે આપણા ગુજરાતી ઓ નું ભાવતું ફરસાણ પાત્રા.