સૌપ્રથમ ઢોકળા ના ખીરા માટે એક બાઉલ ચોખા૩ચમચી અડદની દાળ, ૩ ચમચી મગની દાળ, ત્રણ ચમચી ચણાની દાળ ધોઈને પાણી રેડી સાત આઠ કલાક પલાળવું. ત્યારબાદ મિક્સરમાં ક્રસ કરવું અને ચાર-પાંચ કલાક રહેવા દેવું. હવે ગાજર, ડુંગળી અને કોબીજ અને છીણી લેવી. કેપ્સીકમ કોથમીરને સમારવા. આદુ મરચા ક્રશ કરવા. એક મોટા બાઉલમાં ઘઉંનો લોટ લઇ તેમાં ચાર ચમચી તેલ નાખી તેને હલાવી દો. હવે તેમાં આદુ, મરચા, લસણની ચટણી, હળદર, ધાણાજીરું, ગરમ મસાલો, લાલ મરચું પાઉડર, અથાણાનો મસાલો, દહીંમાં ગોળ મિક્સ કરેલો,અને સ્વાદ પ્રમાણે મીઠું નાખવું.

હવે તેમાં કોબીજ, ગાજર, કેપ્સીકમ, ડુંગળી, ધાણા અને ઢોકળા નુ ખીરુ ઉમેરો. ત્યારબાદ તેમાં સોડા નાંખી હલાવી દો.

હવે એક પેનમાં તેલ લઈ.રાઈ તલનો વઘાર કરી હિંગ અને લીમડો નાખો. ત્યારબાદ તેમાં હાંડવા નું ખીરું રેડો. હવે ગેસ ધીમો રાખો.

તેના પર ઢાંકણ ઢાંકી દસ મિનિટ માટે થવા દો. ત્યારબાદ તેને ઉલટાવી પાંચ મિનિટ માટે રહેવા દો. બંને સાઇડ હાંડવો બ્રાઉન કલરનો થઈ ગયો છે.હવે ગેસ બંધ કરો. તેને ઠંડુ થવા દો. ચટપટો ગુજરાતી વેજ હાંડવો તૈયાર છે.

હવે તેના પીસ કરી એક સર્વિંગ પ્લેટમાં લઈ સર્વ કરો.