તુરીયાને ચોખ્ખા પાણી થી ધોઈ તેની પાતળી છાલ ઉતારી તેના મોટા ટુકડા કરી લેવાના છે.

એક કડાઈમાં તેલ ગરમ મૂકી તેમાં જીરું, સૂકું લાલ મરચું અને હીંગ ઉમેરી તેનો વઘાર કરવાનો છે.

હવે તેમાં લીમડાના પાન અને આદુ મરચાની પેસ્ટ ઉમેરી સાતળી લેવાનું છે.

ત્યારબાદ તેમાં સમારેલા તુરીયા ઉમેરવાના છે અને બરાબર રીતે મિક્સ કરી લેવાના છે.

હવે તેમાં લીલા વટાણા અને શાક ચડે તેટલું પાણી ઉમેરી તેને ત્રણથી ચાર મિનિટ માટે કુક થવા દેવાનું છે.

શાક અધકચરુ ચડી જાય એટલે તેમાં લાલ મરચું પાવડર, હળદર, ધાણાજીરું, ગરમ મસાલો અને સ્વાદ અનુસાર મીઠું ઉમેરી બરાબર રીતે મિક્સ કરી ફરી ૧ મિનીટ માટે કુક થવા દેવાનું છે.

તો અહીંયા આપણુ સ્વાદિષ્ટ તુરીયા વટાણાનું શાક સર્વ કરવા માટે તૈયાર છે.