એક બાઉલમાં ચણાનો લોટ લઇ તેમાં લાલ મરચું પાઉડર, ધાણાજીરુ, હળદર, અજમો અને સ્વાદ અનુસાર મીઠું ઉમેરવાનું છે.

ત્યારબાદ તેમાં ઝીણી સમારેલી કોથમીર, તેલ અને થોડું પાણી ઉમેરી લોટમાં બધું બરાબર રીતે મિક્સ કરી લેવાનું છે.

આ લોટને મીડીયમ નરમ બાંધવાનો છે. અને હાથથી તેના લુઆ બનાવી હથેળીમાં દબાવી ઢોકળી તૈયાર કરી લેવાની છે.

એક કડાઈમાં તેલ ગરમ મૂકી તેમાં જીરું, લીમડો અને સમારેલા લીલા મરચા ઉમેરવાના છે.

હવે તેમાં આદુ-મરચાની પેસ્ટ ઉમેરી બધું બરાબર રીતે સાતળી લેવાનું છે.

હવે તેના સમારીને તૈયાર કરેલો ગુવાર અને એક કપ પાણી ઉમેરી ઢાકીને ત્રણેક મિનિટ માટે ફૂક થવા દેવાનું છે.

તૈયાર કરેલી ઢોકળી તેમાં ઉમેરી બરાબર રીતે મિક્સ કરી ફરી ઢાકી ને ત્રણેક મિનિટ માટે ફૂક થવા દેવાનું છે.

ગુવાર અને ઢોકળી બરાબર રીતે ચડી જાય એટલે તેમાં લાલ મરચું પાઉડર, ધાણાજીરું, હળદર, ગરમ મસાલો અને સ્વાદાનુસાર મીઠું ઉમેરી બરાબર રીતે મિક્સ કરી લેવાનું છે.

તો અહીંયા આપણું ગુવાર ઢોકળીનું શાક સર્વ કરવા માટે તૈયાર છે