કોબી સમારી લો. બટાકા છોલી બતાવ્યા પ્રમાણે સમારી લો. વટાણા માં પા કપ પાણી ઉમેરો.

એક તાવડી માં તેલ ગરમ કરવા મૂકો. હવે ગરમ તેલ માં મધ્યમ તાપે બટાકા થોડી વાર સાંતળી લો. હવે એક પ્લેટ માં કાઢી લો.

હવે તેલમાં રાઈ અને હિંગ ઉમેરો. રાઈ તતડે એટલે લીલા મરચા ઉમેરો. હવે પાણી સાથે વટાણા ઉમેરી, ઢાંકી ને ધીમા તાપે ૫ મિનિટ થવા દો.

હવે વટાણા ચઢી જાય એટલે સાંતળેલા બટાકા ઉમેરો. મીઠું, હળદર અને લસણિયો મસાલો ઉમેરી બરાબર મિક્સ કરી લો.

હવે કોબીજ ધોઈ ને ઉમેરી મિક્સ કરી લો. શાક ચઢી જાય ત્યાં સુધી ઢાંકી ને થવા દો. વચમાં થોડી થોડી વારે ચલાવી લો.

હવે ધાણાજીરું ઉમેરી મિક્સ કરી, ૨ મિનિટ ધીમા તાપે ઢાંકી ને થવા દો. હવે ગેસ બંધ કરી લો.

શાક તૈયાર છે. ગરમ ગરમ શાક રોટલી સાથે સર્વ કરો.