સૌ પ્રથમ ડ્રાય વસ્તુઓ મેંદો,બેકિંગ પાઉડર,બેકિંગ સોડા ને ભેગા કરી ચાળી લો.એક બાઉલ માં તેલ,દહીં અને દળેલી ખાંડ લઈ તેને ૫ મિનિટ બીટ કરી તેમાં વેનીલા એસેન્સ ઉમેરી હલાવી તેમાં ચાળેલા મેંદા વાળું મિશ્રણ થોડું થોડું ઉમેરતા જઉં અને હલાવતા જવું રેડ કલર પણ ઉમેરી હલાવી અને કેક માટેનું મિશ્રણ તૈયાર કરવું.

ગ્રીસ કરેલ બેકિંગ ટીન માં આ મિશ્રણ રેડી ને ટેપિંગ કરી પ્રી હિટ કરેલા ઓવન માં ૨૦-૨૫ મિનિટ ૧૬૦ સે.ડીગ્રી પર તેને બેક કરી લેવી.

કેક ઠંડી પડે એટલે તેને ટીન માં થી બહાર કાઢી વચ્ચે થી કાપી ને બે સ્લાઈસ કરી લેવી.

૧ ૧/૨ કપ વ્હીપ્ડ ક્રીમ ને ઇલેક્ટ્રિક બીટર થી બીટ કરી થિક ક્રીમ તૈયાર કરવું.કેક ની એક સ્લાઈસ ને બોર્ડ પર મુકી ઉપર ખાંડ સીરપ લગાવી તેની ઉપર વ્હીપ્ડ ક્રીમ લગાવી ઉપર પ્લમ ક્રશ લગાવી ઉપર ફ્રેશ ચેરી કાપી ને નાના ટુકડા કરી મુકવા.પછી તેની ઉપર કેક નો બીજી સ્લાઈસ મુકી ઉપર ખાંડ સીરપ લગાવી ઉપર વ્હીપ્ડ ક્રીમ લગાવવું.

વ્હીપ્ડ ક્રીમ માં રેડ કલર ઉમેરી કેક પર નોઝલ થી ગમતી ડિઝાઇન બનાવી ઉપર ફ્રેશ ચેરી ગોઠવવી અને ફ્રીઝ માં ઠંડી કરવા મુકવી.તો તૈયાર છે ફ્રેશ ચેરી અને પ્લમ કેક.