સૌપ્રથમ ચોખાના લોટને એક બાઉલમાં કાઢી લો. એક તપેલીમાં પાણી ઉકળવા મુકો.

ઉકળતા પાણીમાં મીઠું તથા તેલ નાખો. મિક્સ કરી આ પાણી લોટમાં નાખી અને ચમચીની મદદથી ધીમે ધીમે હલાવી અને દસ મિનિટ માટે ઢાંકી રાખો.

હવે દસ મિનિટ બાદ આ મિશ્રણને હાથમાં તેલ લગાવી મસળી અને સ્મૂધ કરી લો. સેવના સંચામાં તેલ લગાડી અને તેમાં આ લોટ ભરો. નાની-નાની ડિશમાં તેલ લગાવી ફોટા માં બતાવ્યા પ્રમાણે ઈડિયપ્પમ બનાવો.

એક તપેલામાં અથવા ઢોકળિયામાં પાણી ગરમ કરવા મૂકો. પ્લેટ મુકી અને ત્રણથી ચાર મિનિટ આ ઈડિયપ્પમ વરાળે બાફી લો. હવે સંભાર માટે તેલ મૂકો. તેમાં રાઈ નાખી ક્રેક થાય એટલે તેમાં સૂકું મરચું, લીલુ મરચું, લવિંગ તજ, તમાલપત્ર, મેથી દાણા, લીમડી પત્તા નાખી સાંતળી લેવા. હવે તેમાં ડુંગળી નાખી સાંતળી લેવી.

ત્યારબાદ સમારેલા ટામેટા અને ગાજર નાખી સાંતળી લો. હળદર તથા હીંગ નાખી મિક્સ કરી લો.હવે તેમાં એક કપ પાણી રેડો. પાણી ઉકળે એટલે મગની દાળને ધોઈ અને તેમાં એડ કરો, આવશ્યકતા અનુસાર મીઠું નાખો અને મિક્સ કરો. કુકર બંધ કરી એક સીટી વગાડવી.

હવે તૈયાર થયેલ ઈડિયપ્પમ ઉપર ચીલી ફ્લેક્સ તથા લીલા ધાણા સ્પ્રેડ કરી,સજાવી, ટેસ્ટી બનાવી દો.તો તૈયાર છે મસાલેદાર ઈડિયપ્પમ!! સંભાર સાથે અને નાળિયેરની ચટણી સાથે ખાવાની મજા પડી જાય છે.