સૌપ્રથમ મકાઈ ને છોલીને છીણી લો. (મકાઈ પસંદ કરતી વખતે તે દેશી હોય તેમજ કુણા હોય એ વાતનું ખાસ ધ્યાન રાખવું)

એક પેનમાં ઘી ગરમ કરી તેમાં જીરુ અને હિંગનો વઘાર કરી લીલા મરચા સાંતળવા. ત્યારબાદ તેમાં મકાઈનું છીણ ઉમેરી તેને ચડવા દેવું. મકાઈનું છીણ બરાબર ચઢી જાય એટલે તેમાં દૂધ ઉમેરો.

દૂધ ઉમેરી મિશ્રણને બરાબર હલાવી થોડીવાર કુક થવા દેવું મિશ્રણ થોડું ઘટ્ટ થાય એટલે તેમાં બધા મસાલા તેમજ કાજુ દ્રાક્ષ ના ટુકડા ઉમેરો. (આ મકાઈ નો ચેવડો થોડો ઢીલો હોય તો વધારે સરસ લાગે છે.) બધું બરાબર મિક્સ કરી લીલા ધાણા ઉમેરીને સર્વ કરો.