મીક્સી ના જાર માં ટોપરા ના ટુકડા, દાળિયા, આંબલી, લાલ મરચા અને મીઠું નાખી, થોડું થોડું પાણી નાખી વાટી લો. એક બાઉલ માં કાઢી લો. મેં એમાં વઘાર નથી કર્યો. વઘાર કરવો હોય તો રાઈ અને હિંગ નો કરવો.

એક નોન સ્ટીક તવી ગરમ કરવા મૂકો. થોડું તેલ લગાવો. તવી ગરમ થાય એટલે પાણી ના છાંટા નાખી કપડાથી તવી સાફ કરી લો. દરેક ઢોંસા બનાવતી વખતે પાણી છાંટીને તવી સાફ કરવા થી ઢોંસા સરસ બનશે.

હવે એક કડછી ભરીને ખીરું રેડી, વાટકી થી ગોળ ફેરવીને ઢોંસો બનાવી લો. હવે ગેસ ધીમો કરી લો. ઉપર ની સાઇડ સુકાય જાય એટલે તેલ અથવા બટર લગાડી તવેતા થી ફેલાવી લો. હવે ચટણી લગાવો. ઢોંસો બ્રાઉન થાય એટલે ઉતારી ને ચટણી સાથે સર્વ કરો.