સૌપ્રથમ એક બાઉલમાં પાણી ગરમ કરવા મુકવું. પાણી ગરમ થાય એટલે તેમાં મીઠું અને તેલ ઉમેરી ગેસની ફલેમ ફુલ રાખી પાસ્તા બાફવા માટે ઉમેરવા.

ત્યારબાદ પાસ્તા બફાય જાય એટલે તેને ચારણી મા નિતારી લેવું. ઉપર ઠંડુ પાણી નાંખવું. હવે પેન માં તેલ ગરમ કરવા મુકવું.

ત્યારબાદ તેલ ગરમ થઈ જાય એટલે ગેસની ફલેમ ફુલ રાખી તેમાં લસણની, આદુ મરચાં ની પેસ્ટ ઉમેરી સાતડી લેવું. હવે તેમાં ટામેટા ઉમેરી તેમાં સમારેલા કેપ્સીકમ અને ડુંગળી નાંખી સાંતડી લેવું.

ત્યારબાદ તેમાં હળદર, લાલ મરચું પાઉડર અને મીઠું ઉમેરી મિક્સ કરી બાફેલા પાસ્તા ઉમેરવું. હવે તેમાં પાસ્તા મસાલો,મેગી મસાલો અને ટોમેટો કેચપ ઉમેરી મિક્સ કરી પાંચ મિનિટ સુધી થવા દેવું. બાઉલમા કાઢી ચીઝ છીણી ગરમાગરમ પાસ્તા સર્વ કરવું.