એક તપેલીમાં હશેકુ પાણી કરો. તેમાં ખાંડ અને મીઠું નાખી ઑગળી લો.

એક મોટી થાળીમાં બંને લોટ લઇ તેમાં અજમો, તલ,સફેદ મરચું નાખી મસળી લો. પછી તેમાં ખાંડ નું હશેકુ પાણી રેડી લોટ બાંધો. હવે લોટને પરાઈ થી ટીપી લો. જેથી મઠીયા સરસ થાય. હવે તેના વાટા કરીને લૂઆ તૈયાર કરો.

હવે એક લુવો લઇ પાત્રા મઠીયા વણી લો.કડાઈમાં તેલ ગરમ કરો. આમ વારા ફરતી બધા મઠીયા વણી લેવા. હવે તેલ ગરમ થાય એટલે એક એક કરીને મઠીયા ધીમા તાપે તળી લો.પછી તેને પ્લેટમાં કાઢી લો. તૈયાર છે મઠીયા. એર ટાઈટ ડબ્બામાં ભરી દો.જેથી પાતળા મઠીયા હવાઈ ના જાય.