એક મોટી કથરોટમાં લોટ લઈ તેમાં બધા મસાલા ઉમેરવા. ૪ ચમચી પાણીમાં ખાંડ ઓગાળી તે પાણી અને મોણનું તેલ ઉમેરવું.

ત્યારબાદ થોડું થોડું પાણી લઈ ભાખરી જેવો લોટ બાંધવો. લોટને પરાઈથી ટીપીને થોડો નરમ કરવો.

લોટ તૈયાર થાય એટલે તેના લાંબા રોલ વાળી લુવા કરવા.

હવે લુવાના મોટા રોટલા વણી.ગોળ નાના કટર કે બાટલીના ઢાંકણાંથી કાપી (તમારી ઈચ્છા મુજબ નાના-મોટા રાખી શકો), કોટન કપડા પર ગોઠવવા. 1/2 કલાક એમ જ રહેવા દેવા.

ત્યારબાદ ભેગા કરી, ધીમા ગેસ પર તાવડીમાં તેલ ગરમ થાય એટલે દરેક મઠીયાને ઉપર-નીચે ફેરવી તળી લેવા.
(નોધઃ ગેસની ફ્લેમ મોટી રાખશો તો કાચા રહી જશે.) સહેજ ગોલ્ડન બ્રાઉન થાય એટલે કાઢી લેવા.

આપણા ખુબ જ ટેસ્ટી જાડા મઠીયા તૈયાર છે.