એક બાઉલમાં ચણાની દાળને પાણીથી ધોઈ બે કલાક પલાળી રાખો. પછી પાણી નિતારી મિક્સર જારમાં દાળ અને બે ચમચી પાણી ઉમેરી ક્રશ કરો.

હવે ખીરામાં મીઠું, લીંબુ ના ફૂલ,હળદર અને દળેલી ખાંડ નાખી હલાવો.મોટા પેન માં પાણી ઉમેરી તેમાં સ્ટેન્ડ મૂકી ગરમ કરો. હવે થાળીને તેલ થી ગ્રીસ કરી ગરમ કરવા મૂકો.હવે ખીરામાં આદુ મરચાની પેસ્ટ, ઇનો નાખીને હલાવો.પછી થાળીમાં રેડી દો. 15 મિનિટ ધીમા તાપે ગેસ પર થવા દો.પછી થાળીને બહાર કાઢી ઠંડી થાય એટલે તેના પીસ કરીને ખમણી ખમણી લો.

એક પેનમાં તેલ ગરમ કરી તેલ ગરમ થાય એટલે તેમાં રાઈ,હિંગ, ઝીણું સમારેલું લસણ નાખી હલાવો.તેમાં થોડું પાણી ઉમેરી પાણીના ભાગ નું મીઠું નાખી ખમણનો ભૂકો નાંખી હલાવી લો. તેમાં કોથમીર, કિસમિસ,કાજુ નાખી હલાવી ગેસ બંધ કરો.