સૌ પ્રથમ ડુંગળીને છોલી તેનો ઉપર નો ભાગ એ રીતે કાપવો જેથી ડુંગળી ખૂલે નહિ. તલ, ગાઠિયા, મગફળી ને મિક્સરમાં ગ્રાઇન્ડ કરી લેવા. આદુ, મરચા,લસણ ની પેસ્ટ કરી લેવી. તજ, લવિંગ, મરીનો મિક્સરમાં ભૂકો કરી લેવો. ટામેટાની પ્યુરી કરવી.

હવે લોયામાં તેલ લઇ ડુંગળી તળી લેવી.તે બ્રાઉન રંગની થાય એટલે કાઢી લેવી. હવે તે જ તેલ માં આખા મસાલાનો ભૂકો નાખી આદુ, મરચા,લસણ ની પેસ્ટ સાંતળવી. પછી તેમાં ટામેટા ની પ્યુરી સાંતળી લઈ મસાલા ઉમેરવા. 2 મિનિટ હલાવવું. હવે તેમાં ગાઠિયા, મગફળી, તલ ના ભૂકા એક પછી એક ઉમેરવા. ગોળ ઉમેરી જરૂર મુજબ પાણી ઉમેરવું.

હવે બધું મિક્સ કરી 5 મિનિટ ઢાંકી રાખવું. ગ્રેવી ઉકળે એટલે તેમાં ડુંગળી ઉમેરી તેને મિક્સ કરી લઈ મીઠું ઉમેરી તેલ છૂટું પડે ત્યાં સુધી હલાવવું. 5 થી 7 મિનિટ ગ્રેવી ઉકળે પછી ગેસ બંધ કરી કોથમીર વડે ગાર્નિશ કરી ગરમાગરમ શાક ને પરોઠા સાથે સર્વ કરવું.