સૌ પ્રથમ એક બાઉલમાં ચણાનો લોટ, સીંગદાણાનો ભૂકો, હળદર, મરચુ પાઉડર, ગરમ મસાલો, ગોળ, મીઠુ, તેલનુ મોણ લઈ સરસ મીકસ કરી લો.

ડુંગળીને છોલી ઊભા ને આડા કાપા કરી તૈયાર કરેલ મસાલો તેમા ભરી દો.

હવે એક કડાઈમાં તેલ મૂકી તેમાં ચપટી હીંગ નાખી ભરેલી ડુંગળી તેમાં મૂકી ઢાંકણ ઢાંકી એકદમ ધીમા તાપે થવા દો. થોડીવાર પછી હળવેથી હલાવી થોડો તૈયાર કરેલ લોટ છાંટી થવા દો.

ડુંગળી એકદમ સરસ ચડી જાય એટલે ગેસ બંધ કરી ડીશ માં કાઢી સર્વ કરો. તો તૈયાર છે આખી ડુંગળીનું શાક.