સૌપ્રથમ રવૈયા ભરવા માટેની બધી સામગ્રી એક બાઉલમાં ભેગી કરી લો. હવે રવૈયા ધોઈ ને કોરા પાડી દો. તેના સાઈડ ના ડીટા કાઢી લો. હવે તેમાં ઉભો કાપો કરી તેમાં દાબીને મસાલો ભરી લો.

હવે શાક વઘારવાના નાના કુકરમાં તેલ ગરમ મૂકી તેમાં જીરું, હિંગ,લીલા મરચા ને ઝીણા સમારેલા ટામેટા ઉમેરી બેથી ત્રણ મિનિટ માટે સાંતળો. પછી તેમાં ભરેલા રવૈયા ઉમેરી એક વાર હલાવી લો. હવે તેમાં દોઢ કપ પાણી ઉમેરી બે વ્હીસલ થી પ્રેશર કૂક કરી લો

કુકર ઠંડુ પડે એટલે રવૈયા ભરતા વધેલો મસાલો તેમાં ઉમેરી બરાબર મિક્સ કરી ત્રણથી ચાર મિનિટ માટે કૂક કરવું. પછી ઉપરથી ઝીણી સમારેલી કોથમીર ભભરાવી લો.

તૈયાર ભરેલા રીંગણ ના રવૈયા ના શાક ને સર્વિંગ ડીશમાં લઈ લો. મેં અહીં રીંગણ ના રવૈયા ના શાકને રોટલો, મેથીની કઢી, સલાડ, ગોળ તથા કેરી ના અથાણાં સાથે સર્વ કરેલ છે. તો તૈયાર છે એકદમ મસાલેદાર ચટાકેદાર એવો ભરેલા રીંગણ ના રવૈયા નું શાક સર્વ કરવા માટે.