સૌપ્રથમ ગ્રેવી બનાવવા માટે એક પેનમાં તેલ ગરમ મૂકી તેમાં સમારેલી ડુંગળી સાતળી, આદુ મરચાની પેસ્ટ અને સમારેલા ટામેટા ઉમેરવાના છે.

ટામેટાં થોડા નરમ થઈ જાય એટલે તેમાં લાલ મરચું પાઉડર, ધાણાજીરું, હળદર, મીઠું સ્વાદ અનુસાર ઉમેરી બરાબર રીતે મિક્સ કરી લઈ ગેસ પરથી નીચે ઉતારી ઠંડું થવા દેવાનું છે.

મિશ્રણ ઠંડું થઈ જાય એટલે તેને મિક્સર ની જાર માં લઇ ક્રશ કરી તેની ગ્રેવી બનાવવાની છે.

રીંગણા ના ડીટીયા કાઢી ચોખ્ખા પાણીથી ધોઈને ઉપર અને નીચેની બાજુએ થી વચ્ચેના ભાગમાં છરી વડે બે કાપા કરવાના છે.

સ્ટફિંગ તૈયાર કરવા માટે સીંગદાણાનો ભૂકો લઈ તેમા ચણાનો લોટ અને બધો મસાલો ઉમેરી બરાબર રીતે મિક્સ કરી લેવાનું છે.

આ મિશ્રણને રીંગણા માં ક્ટ કરેલા વચ્ચેના ભાગમાં બરાબર રીતે સ્ટફ કરવાનું છે. આ તૈયાર કરેલા રીંગણાને કૂકરમાં એક સીટી વગાડી થોડા બાફી લેવાના છે.

એક કડાઈમાં તેલ ગરમ મૂકી લીમડો અને જીરૂ ઉમેરી તૈયાર કરેલી ગ્રેવી તેમાં ઉમેરી બે મિનિટ માટે કુક થવા દેવાનું છે.

હવે તેમાં બાફીને તૈયાર કરેલા રીંગણા ઉમેરીને બરાબર રીતે મિક્સ કરી લેવાનું છે.