સૌપ્રથમ રીંગણા ને ધોઈ કોરા કરી તેના ડીટીયા કાપી બંને બાજુ કાપા મૂકી સાઈડ પર રાખો.એક બાઉલમાં સીંગદાણાનો ભૂકો ટોપરુ પાઉડર ચણાનો લોટ ચપટી હળદર મરચું બેથી ત્રણ ચમચી ધાણાજીરૂ કોથમીર ખાંડ સ્વાદ અનુસાર મીઠું ત્રણથી ચાર ચમચી તેલ ઉમેરી બરાબર મિક્સ કરી કાપા પાડેલા રીંગણાને ભરી લો.

પાલકની ભાજીને બ્લાન્ચ કરી તેની પેસ્ટ કરો.ડુંગળી ટામેટાં આદુ-મરચા-લસણની પેસ્ટ તૈયાર કરો.એક જાડા તળિયાની કડાઈમાં તેલ ગરમ મૂકી તેમાં હિંગ હળદર ઉમેરી ભરેલા રીંગણા ને એકદમ ધીમા તાપે ચડવા દો.

હવે રીંગણા તૈયાર થાય ત્યાં સુધીમાં બીજા ગેસ પર બીજી કડાઈ મૂકી તેમાં બે-ત્રણ ચમચી તેલ ગરમ કરી ડુંગળી ટામેટાં વાળી પેસ્ટ ઉમેરી ત્રણથી ચાર મિનિટ સાંતળો તેલ છૂટું પડે એટલે પાલકની પેસ્ટ ઉમેરી જરૂર જણાય તે પ્રમાણે મીઠું કિચન કિંગ મસાલો ઉમેરો અને તેલ છૂટું પડે ત્યાં સુધી ચઢવા દો.ગ્રેવી તૈયાર થાય એટલે તેમાં રીંગણા ભરતા વધેલો મસાલો એડ કરી ઢાંકીને પાંચ મિનિટ ચડવા દો.

હવે તૈયાર થયેલા રીંગણાને છરીની અણીએ થી ચેક કરી લો બરાબર ચડી જાય એટલે ગ્રેવીમાં ઉમેરી મિક્સ હળવા હાથે મિક્સ કરી લો.તો તૈયાર છે green gravy માં ભરેલા રીંગણા નુ શાક.