સૌથી પહેલા ઊંધિયાની ઢોકળી બનાવવા માટે મેથીને સમારી ધોઈ લેવી પછી એક વાસણમાં મેથી, ચણાનો લોટ અને બધો મસાલો કરી જરૂર મુજબ પાણી નાખી અને નાની વડી બનાવી લેવી. પછી ઢોકળીને વરાળમાં બાફી લેવી.

બધા શાકને સમારી અને ધોઈ લેવું રીંગણા અને બટેટાને વચ્ચેથી કાપા પાડી લેવા. ટામેટાં ઝીણા સમારી લેવા.

પછી એક પેનમાં તેલ મૂકી તેલ ગરમ થાય એટલે રાઈ જીરું નાખી અને શાકનો વઘાર કરવો. શાકને બેથી ત્રણ મિનિટ સુધી તેલમાં સાંતળવા દેવું. પછી તેમાં બધો મસાલો કરી અને તપેલાને ફેરવીને બધો મસાલો મિક્સ કરી લેવો.

પછી જરૂર મુજબ પાણી નાંખી અને શાકને ૧૫- ૨૦ મિનિટ ચડવા દેવું.

ઉંધીયુ ચડી જાય પછી તેમાં બનાવેલી ઢોકળી નાખી બે મિનિટ રહેવા દેવું પછી ગેસ બંધ કરી દેવો. હવે તૈયાર છે શિયાળાનું સ્પેશિયલ ગરમાગરમ ઊંધિયું. કોથમીરથી ગાર્નિશ કરી અને સર્વ કરવું.