સૌપ્રથમ મૂળા ના પાન ને સમારી ને સરસ ધોઈ ને ચારણી માં નીતરવા રાખી દો,બીટ ને છોલી,ધોઈ ને ખમણી લો ને બાજુ પર રાખો,આદુ-મરચાં ધોઈ ને લસણ ની કળી સાથે પેસ્ટ બનાવી લો.

હવે,પેન માં કે કઢાઈ માં તેલ ગરમ કરી તેમાં રાઈ, મેથી,જીરું ઉમેરો ને તતડે એટલે હીંગ,આદુ-મરચાં ને લસણની પેસ્ટ ઉમેરી ને સાંતળો પછી તેમાં નિતારી ને રાખેલ મૂળા ની ભાજી, હળદર,મીઠું, લાલ મરચું ઉમેરી સરસ મિક્ષ કરી લો, ૧ મિનિટ પછી તેમાં પાણી ઉમેરી ઢાંકણ ઢાંકી ને ભાજી ને ચડવા દો.

બીજી કઢાઈ માં૧ ચમચી તેલ ઉમેરી ને ચણા ના લોટ સરસ શેકી લો.

ભાજી ને તપાસો, બફાઈ જાય ને પાણી બળી જવા આવે એટલે ખમણેલું બીટ,ધાણાજીરુ અને શેકેલા ચણા ના લોટ ઉમેરી ને સરસ મિક્ષ કરી લો.

ગેસ બંધ કરી લીંબુ નો રસ ઉમેરી ને મિક્સ કરી લો....તો તૈયાર છે...બીટ -મૂળા ની ભાજી નું શાક.