સૌ પ્રથમ અડદ ના લોટ ને ચાળી લો. પછી તેમાં દૂધ અને ઘી નો ધાબો દઈને 10 મિનિટ રહેવા દો.

પેન માં થોડું ઘી મૂકી તેમાં કાજુ બદામ પિસ્તા ને શેકી લો. હવે તેમાં બાકી નું ઘી મૂકી ધાબો દીધેલા લોટ ને મીડિયમ તાપે શેકી લો.

લોટ ને સતત હલાવતા રહેવું. લોટ બરાબર શેકાઈ જાય અને સુગંધ આવવા લાગે એટલે ગેસ ઓફ કરી દો.

પછી તેમાં દળેલી ખાંડ, સૂંઠ પાવડર, ગંઠોડા પાવડર,ઈલાયચી પાવડર અને કાજુ બદામ પિસ્તાની કતરણ એડ કરી બરાબર મિક્સ કરીને હલાવી લો.

પછી તેને ઘી થી ગ્રીસ કરેલી થાળી માં પાથરી બદામ પિસ્તાની કતરણ થી ગાર્નિશ કરો. ઠંડુ થાય પછી મનગમતો શેપ આપી કટ કરી લો.