હાંડવા ના લોટમાં દહીં અને પાણી રેડી ખીરૂ બનાવી પાંચ કલાક રહેવા દો. આથો આવી જાય પછી તેમાં ક્રશ કરેલા ઓટ્સ, રવો,મકાઈનો લોટ, ગાજર નું છીણ, તેલ, મીઠું, આદુ-મરચા-લસણની પેસ્ટ, હળદર, ગોળ, દહીં, અને કોથમીર નાખી બધું બરાબર મિક્સ કરો. હવે એક બાઉલ મા થોડું ખીરું લઈ તેમાં ઇનો નાખી તેના પર બે ચમચી પાણી રેડી હલાવી દો. જેથી ઇનો એક્ટિવેટ થાય.

હવે પેનમાં તેલ ગરમ કરી રાઇ,તલ, અને હિંગ નાખી વઘાર કરો. હવે ચમચા ની મદદથી ખીરું પાથરી ચારે બાજુ તેલ નાખી ઉપરથી તલ છાંટી, ઢાંકણ ઢાંકી પાંચ મિનિટ થવા દો.પછી ઉલટાવીને ફરી તેલ રેડી ઢાંકણ ઢાંકી બંને બાજુ ક્રિસ્પી ગોલ્ડન બ્રાઉન થાય એટલે નીચે ઉતારી ને ગરમાગરમ સર્વ કરો.