એક બાઉલમાં સોજી, ઘઉંનો લોટ અને મેંદો લઈ નવશેકુ પાણી રેડી મધ્યમ લોટ બાંધી લો.પછી લોટને ભીના કપડાથી કવર કરી વીસ મિનિટ રહેવા દો. પછી લોટમાંથી નાનો લુઓ લઇ રોટલી જેવી પાતરી મોટી પૂરી વણી લો.

પછી તૈયાર કરેલી પૂરીને મધ્યમ ગેસ પર ફ્રાય કરો.સોનેરી રંગ થાય એટલે એક પ્લેટમાં કાઢી લો.

હવે એક બાઉલમાં બાફીને સમારેલા બટાકા, બાફેલા ચણા, ડુંગળી,ટામેટા, લીલા મરચા સમારેલા, લીંબુનો રસ, મીઠું, લાલ મરચું પાઉડર,ચાટ મસાલો નાખી બરાબર મિક્ષ કરી લેવું.

હવે પૂરી ને ઉપરથી ભાગી તેમાં આ સ્ટફિંગ ભરી લો. ઉપરથી કોથમીર ફુદીના ની ચટણી, ગળી ચટણી,લસણની ચટણી રેડો.પછી તેના પર દહીં, દાડમના દાણા, સેવ,કોથમીર નાખો.

રેડી છે બરોડા ની રાજ કચોરી ચાટ.તેને સર્વિંગ પ્લેટમાં લઈ ઉપરથી ચાટ મસાલો ભભરાવી સર્વ કરો.