વટાણા ને 5-7 કલાક પલાળી રાખવા. ત્યારબાદ મીઠું અને હળદર નાખી બાફવા. ત્યારબાદ પેન માં તેલ મૂકી તેમાં વટાણા નાખવા. બાફેલા બટાકા છૂંદી ને નાખવા. ઊકળે એટલે તેમાં ફુદીના ની ચટણી નાખી લીંબુ નો રસ અને પાણીપુરી નો ડ્રાય મસાલો નાખી દેવો. તૈયાર છે રગડો.

દેશી ચણા ને 7-8 કલાક પલાળી મીઠું નાખી બાફવા. ત્યારબાદ તેમાં કોથમીર, ફુદીના ની ચટણી બાફેલા બટાકા પાણીપુરી નો ડ્રાય મસાલો પૂરી નો ભૂકો અને સ્વાદ અનુસાર મીઠું નાખી ને સરખી રીતે મિક્સ કરવું. તૈયાર છે ચણા બટાકા નો મસાલો.

પાણીપુરી નાં ડ્રાય મસાલા માટે બધી જ સામગ્રી ને મિક્સર જાર માં લઇ ક્રશ કરી લેવું.

ફુદીના કોથમીર મરચા ને ધોઈ મિક્સર જાર માં નાખવું. ત્યારબાદ તેમાં આદુ અને 1/2 લીંબુ નો રસ નાખવો. મીઠું નાખી ક્રશ કરવી. તૈયાર છે ફુદીના કોથમીર ની ચટણી. હવે ઠંડુ પાણી લઈ તેમાં 2-3 ચમચા ચટણી નાખી લીંબુ નો રસ નાખી ને મીઠું સંચળ અને પાણીપુરી નો ડ્રાય મસાલો નાખી મિક્સ કરો. તૈયાર છે ગ્રીન પાણી. લીંબુ નો રસ તમારા સ્વાદ મુજબ નાખવો.

ખજૂર આમલી અને ગોળ ને પલાળી ક્રશ કરી ચારણી થી ગાળી લેવું. ત્યારબાદ તેમાં મીઠું લાલ મરચું અને ધાણા જીરૂ નાખી મિક્સ કરવું. તૈયાર છે મીઠી ચટણી.

તૈયાર છે પાણીપુરી. ડુંગળી અને થોડો ડ્રાય મસાલો નાખી ને ઠંડા પાણી સાથે સર્વ કરવું.