સૌપ્રથમ ફુદીનો ધોઈ લો, હવે ફુદીનો, મરચાં, આદું, આંબલી માં ૧ ગ્લાસ પાણી ઉમેરી ઉકાળો.

તે ઉકળી જાય એટલે ચર્ન કરી ગાળી લેવું બાદ તેમાં પાણીપુરી મસાલો, સંચળ પાઉડર, ગોળ, મીઠું, લાલ મરચું, કોથમીર ઉમેરી ૨ ગ્લાસ પાણી ઉમેરીને ઠંડુ થવા ફ્રીજમાં મુકી દેવું.

હવે ખજૂર આંબલી ને પાણી ઉમેરી ઉકાળી ઠંડુ થાય એટલે ચર્ન કરી મીઠું, લાલ મરચું નાખી ચટણી બનાવો.

લસણ ની ચટણી તેમજ ગ્રીન ચટણી બનાવી લેવી અને ડુંગળી તથા કાચી નાની કેરી (ખાખડી) પણ સમારી લો.

ચણા ને બાફી વઘારી લો તેમજ બટાકા ને પણ બાફી મસાલા વાળા કરી લો.

હવે ચણા બટાકા મીકસ કરી,ડુંગળી અને કેરી મીકસ કરી,સેવ,ફુદીનાનું પાણી, લસણની ચટણી બધું તૈયાર કરી લો. તૈયાર છે પાણી પૂરી 😋😋😋

મેં આજે ફ્લેવર વાળી પાણી પૂરી બનાવી છે તેમાં ચાર ફ્લેવર માં ફુદીનાનું રેગ્યુલર પાણી,ખજૂર આંબલી નુ ખટમીઠુ પાણી,લસણ ની ફ્લેવર નું તીખું પાણી અને કોથમીર મરચાં નું મીડીયમ પાણી બનાવ્યાં છે. અલગ અલગ પાણી બનાવવા માટે દરેક ચટણી માં એકદમ ઠંડુ પાણી ઉમેરી પાણી ના ભાગ પુરતું મીઠું નાખી મીકસ કરવું,ચટણી નું પ્રમાણ આપણા ટેસ્ટ મુજબ વધારે ઓછું કરી શકાય. તો તૈયાર છે ફ્લેવર પાણી પૂરી 😋😋😋😋