સૌ પ્રથમ ચોખા ને બરાબર ધોઈ 15 થી 20 મીનીટ સુધી પલાળી રાખો.

ત્યાર બાદ કુકર માં તેલ ગરમ કરી તેમાં રાઇ, જીરું, લવીંગ, મરી, તમાલપત્ર, હીંગ નો વઘાર કરી તેમાં ઝીણી સમારેલી ડુંગળી ઊમેરી હલાવી ગુલાબી રંગની થાય પછી તેમાં કાપેલા ટામેટા, ગાજર, રીંગણા, બટાકા, ટીંડોળા ઊમેરી હલાવી કુક થવા દો.

ત્યાર બાદ તેમાં હળદર, લાલ મરચું પાઉડર, ગરમ મસાલો, ગોડા મસાલો, ધાણા જીરું પાઉડર, આદુ લસણ ની પેસ્ટ ઊમેરી હલાવી દો. ત્યાર બાદ તેમાં પલાળી રાખેલ ચોખા ઉમેરી હલાવી જરૂર મુજબ પાણી અને મીઠું સ્વાદ અનુસાર ઊમેરી હલાવી દો.

હવે તેમાં ઘી ઊમેરી હલાવી કુકર ની બે સીટી વાગે ત્યાસુધી કુક થવા દો. હવે કુકર ઠંડુ પડે એટલે લીલા ધાણા અને નારીયેળ ના છીણ વડે ગાર્નિશ કરી સવઁ કરો. તૈયાર છે મસાલા ભાત.