એક મિક્સર જારમાં લસણની કળી, લીલા મરચાં અને સ્વાદ અનુસાર મીઠું ઉમેરી તેને પીસી લેવાના છે.

એક બાઉલમાં ચણાનો લોટ લઇ તેમાં પીસેલા લસણ મરચા ની પેસ્ટ ઉમેરવી છે.

તેમાં હળદર અને સ્વાદ અનુસાર મીઠું ઉમેરવાનું છે.

જરૂરિયાત મુજબ પાણી ઉમેરી સતત હલાવતા ગાઠા વગરનું પાતળુ બેટર તૈયાર કરવાનું છે.

એક કડાઈમાં તેલ ગરમ કરી તેમાં રાય, જીરુ અને હીંગ ઉમેરવાના છે.

લીમડાના પાન ઉમેરી વઘાર તૈયાર કરવાનો છે.

સમારેલી ડુંગળી ઉમેરી થોડી ટ્રાન્સપરન્ટ થાય ત્યાં સુધી તેને સાતળવાની છે.

હવે તેમાં તૈયાર કરેલું ચણાના લોટનું બેટર ઉમેરવાનું છે. બરાબર રીતે મિક્સ કરી ઢાંકીને ધીમા ગેસ પર તેને બે થી ત્રણ મિનિટ માટે કુક થવા દેવાનું છે.

જેથી તેનું પાણી સોસાય જશે અને તે થોડું થીક થઈ જશે.

સમારેલા લીલા ધાણા ઉમેરી બરાબર રીતે મિક્સ કરી ગરમાગરમ પીઠલા સર્વ કરી શકાય.

મેં આ રીતે તેને લીંબુ સાથે સર્વ કર્યાં છે.