સૌપ્રથમ બીટ ને ધોઈ,કુકરમાં બાફી લો,ઠંડું પડે એકસરખા અને મનપસંદ આકાર માં કાપી લો ને બાઉલમાં કાઢી લો.
□પ્લમ ને ધોઈ, લૂછી ને મનપસંદ આકાર માં કાપી લો ને અલગ બાઉલમાં કાઢી લો.
□પનીર ના પણ મનપસંદ આકાર માં કાપી લો.

એક બાઉલમાં બારીક સુધારેલા લીલાં મરચાં અને લસણની ની કળીઓ,ઓલીવ ઓઈલ, મધ,લીંબુ નો રસ અને બારીક સમારેલા ફુદીના ના પાન ને લો અને સરસ મિક્ષ કરી લો પછી સ્વાદ મુજબ મીઠું ઉમેરી સરસ હલાવી ને એક કાચ ની બોટલ માં ભરી લો.

અખરોટ ના કટકાં કરી,પેન માં શેકી લો.ને અલગ રાખો.

એક બાઉલમાં બીટ,પ્લમ ના કાપેલા પીસ અને પનીર અને શેકેલા અખરોટ ના કટકાં ને ઉમેરી દો,પછી તેમાં કાચ ની બોટલ માં બનાવી ને રાખેલ ડ્રેસિંગ ને સરસ હલાવી ને ઉમેરી ને બધું જ સરસ મિક્ષ કરી ને ફુદીના ના પાન થી શણગારી ને પીરસો.

જો તમારે આ સલાડ લંચ બોકસ માં આપવો હોય તો,બીટ,પ્લમ ના ટૂકડા ને એક ડબ્બામાં ભરો,બીજા માં શેકેલા અખરોટ, કાચ ની બોટલ માં સલાડ ડ્રેસિંગ ને એક ડબ્બીમાં,પનીર ને અલગ ડબ્બામાં ભરી અલગ અલગ આપો...પછી ઈચ્છા થાય ત્યારે મિક્ષ કરી આરોગે.