કેળાં ને બાફી અને છીણી લેવા. કડાઈ માં તેલ મૂકી તે ગરમ થાય એટલે તેમાં દાબેલી નો મસાલો અને મીઠી ચટણી ઉમેરી બરાબર મિક્સ કરી લેવું.

ત્યારબાદ તેમાં છીણેલા કેળાં અને મીઠું ઉમેરીને બરાબર મિક્સ કરી લેવું. તેમાં દાડમ અને શિંગ ઉમેરી ગેસ બંધ કરી બરાબર મિક્સ કરી લેવું.

કેનાપ્સ માં તૈયાર કરેલો માવો ભરી દેવો. થોડો દબાવીને ભરવો. ગરમ તેલ માં સીધા જ મૂકી અને તળી લેવા. તેને ઊંધા કરવા નહિ. તળાઈ જાય એટલે પ્લેટ માં લઈ તેની ઉપર મીઠી ચટણી લગાવવી.

ત્યારબાદ મસાલા શિંગ, દાડમ અને સેવ મૂકી તરત જ સર્વ કરવા. બનાવી ને મૂકી રાખવા નહિ. મેં જૈન બનાવ્યા છે માટે લસણ ની ચટણી કે કાંદા નો ઉપયોગ નથી કર્યો જો કરવો હોય તો મિશ્રણ માં અને garnishing માં કરી શકાય.