સૌ પ્રથમ ભાખરી ના લોટ માં તેલ અને ઘી નું મોણ નાંખી ને પાણી થી કઠણ લોટ બાંધી લો અને મૂઠીયા વાળી ગરમ તેલ માં ધીમા તાપે તળી લો, મુઠીયા ઠંડા થાય એટલે પીસ કરી ને મિક્ષર માં ક્રશ કરી લો અને પછી ચાળી લો. જાયફળ ને પાઉડર બનાવી લો. ખાંડ ને દળી લો. કાજૂ બદામ ની કતરણ કરી લો.

હવે તપેલી માં ઘી અને ગોળ નાંખી પાઇ બનાવો.ગોળ ઉપર આવી જાય એટલે પાઇ બની ગઈ, હવે લાડુ ના ભૂકા માં દળેલી ખાંડ નાખી હલાવી લો અને ગોળ ઘી ની પાઇ પણ ઉમેરો સાથે કાજૂ બદામ ની કતરણ, ઇલાયચી પાઉડર, જાયફળ પાઉડર, કીસમીસ મિકશ કરો અને હલાવી લો.

આ લાડુ મિશ્રણ માંથી લાડુ બનાવી લો અને ખસખસ થી ગાર્નીશ કરો. આ ટેસ્ટી અને સ્વાદિષ્ટ લાડુ ને ગણેશજી ને પ્રસાદ ધરાવો.