સૌપ્રથમ મેથીના પાનને એક વાસણમાં લઈ એમાં લીલા મરચા, મીઠું અને દહીં ઉમેરવું. બધું બરાબર હલાવી લેવું. હવે તેમાં બેસન ઉમેરીને બરાબર હલાવી લેવું. ત્યારબાદ તેમાં જરૂર પ્રમાણે પાણી ઉમેરીને થોડું ઢીલું ખીરું બનાવી લેવું. મેથીના પાન ભીના હોવાથી મેં અહીંયા ચાર ટેબલસ્પૂન પાણી ઉમેર્યું છે. જો મેથીના પાન કોરા હોય તો થોડું વધારે પાણી ઉમેરવું પડે. હવે તેમાં બેકિંગ સોડા ઉમેરીને બરાબર હલાવી લેવું.

એક કડાઈમાં મીડીયમ તાપ પર તેલ ગરમ કરવા મૂકવું. જ્યારે તેલ ગરમ થાય ત્યારે ગરમ તેલને ગોટા ના ખીરામાં ઉમેરીને બરાબર હલાવી લેવું. હવે ગરમ તેલમાં હાથની મદદથી અથવા તો ચમચીથી ગોટા મુકવા. ગોટા ને મીડિયમ તાપ પર જ તળવા. વચ્ચે વચ્ચે પલટાવતા રહેવું. ગોટાને બ્રાઉન રંગના થવા દેવા નહીં.