સૌપ્રથમ બધી સામગ્રી ભેગી કરવી. ત્યારબાદ એક કડાઈમાં તેલ ગરમ કરી તેમાં જીરુ, આદુ મરચાં લસણ, આદુ ખમણેલું નાખી થોડીવાર સાંતળો. તેના ડુંગળી નાખી થોડીવાર સાંતળો. ડુંગળી બ્રાઉન થાય પછી તેમાં બાફેલું મકાઈના દાણા નાખો.

દાણા થોડા સાતલાય પછી તેમાં મેંદો નાખી તેને સતત હલાવો. ત્યારબાદ તેમાં ઝીણી સુધારેલી પાલક નાખો. તેને પણ સતત હલાવતા રહો. પાલક થોડીક ગળી જાય પછી તેમાં દૂધ નાખી પાછું હલાવો.

ત્યારબાદ તેમાં મીઠું ચીલી ફ્લેક્સ અને ઓરેગાનો ઉમેરી મિશ્રણને ઘટ્ટ કરો. ત્યારબાદ તેમાં ચીઝ ખમણો. છેલ્લે ઉપરથી કોથમીર નાખો. ત્યારબાદ આ મિશ્રણ ઠંડુ કરવા મૂકો.

ત્યારબાદ બ્રેડમાં સૌથી પહેલા બટર લગાવી ચીઝ અને પાલકનુ મિશ્રણ સ્પ્રેડ કરો. ત્યારબાદ ઉપરથી ચીઝ ખમણો. ઉપરથી ચાટ મસાલો સ્પ્રિંકલ કરો.

ત્યારબાદ ગ્રીલના મશીનમાં તેલ મૂકી સેન્ડવીચ ને ગ્રીલ કરવા મૂકો. ૧૫ મિનિટમાં સેન્ડવીચ ગ્રીલ થઈ જશે.