સૌપ્રથમ બધી સામગ્રી ભેગી કરવી. ત્યારબાદ એક કડાઈમાં તેલ મૂકી જીરું ગરમ કરી મેથી નાખી વઘાર કરો. આદુ અને મરચાના કટકા નાંખો લીમડો નાખો. ત્યારબાદ તેમાં મૂળાના પાન અને મૂળાના ઝીણા ઝીણા કટકા કરી વઘાર કરો. ઝીણી સુધારેલી ડુંગળી પણ નાખો. થોડીવાર સાંતળો.

ત્યારબાદ તેમાં બધો મસાલો કરવો. હળદર મરચું, મીઠું ખાંડ નાખી થોડું પાણી નાખી ચડવા દો. ત્યારબાદ છાશમાં ચણાનો લોટ એકરસ કરો.

મૂળાની ભાજી ચડે પછી તેમાં છાશ લોટ વાળી છાશ નાખી સતત હલાવતા રહો. હલાવી થોડીવાર ઉકળવા દો. ઊકળે પછી છેલ્લે તેમાં કોથમીર નાખો.

ઉકળે પછી બાઉલમાં ગરમા ગરમ સર્વ કરો. તો રેડી છે મૂળાની કઢી જે ઠંડીમાં બધાને ખૂબ ભાવશે.