સૌ પ્રથમ બધી સામગ્રી તૈયાર કરી લેવી.એક મિક્સિંગ બાઉલ માં મેંદો,દળેલી ખાંડ,કોકો પાઉડર બધું ચાળી લેવું. તેમાં બેકિંગ પાઉડર અને સોડા ઉમેરી મિક્સ કરી લેવું.

ત્યારબાદ તેમાં પીગળેલું ઘી એડ કરી, ધીમે ધીમે દૂધ ઉમેરી મિક્સ કરવું.આ મિશ્રણ પ્લેન સ્મૂધ થાય ત્યાં સુધી જ મિક્સ કરવું.વધુ ફેંટવું નહિ.મધ્યમ ઘટ્ટ ખીરું બનાવવું.

હવે વોફલ મેકર ને બંને બાજુ ઘી થી ગ્રીસ કરી ગેસ પર ગરમ કરવા મૂકો.1 મિનિટ બંને બાજુ ગરમ કરી તેમાં બનાવેલું મિશ્રણ રેડો.વોફલ મેકર ના લેવલ સુધી બેટર ભરવું.હવે મશીન બંધ કરી ગેસ ની ધીમી આંચ પર બંને સાઈડ (વચ્ચે 2 મિનિટ પછી ચેક કરવું)4-5 મિનિટ શેકવું.ચોકલેટ વોફ્લ તૈયાર છે.આટલા મિશ્રણ માંથી 3 વોફ્લ બનશે.

હવે મિલ્ક ચોકલેટ કમ્પાઉન્ડ ને ડબલ બોયલ કરી પીગળાવી લો.તેમાં 1 ચમચી ઘી ઉમેરવું.જેથી ચોકલેટ સ્મૂધ થઈ જાય. વોફલ ને વચ્ચે થી કટ કરી એક ભાગ પર મેલ્ટેડ ચોકલેટ ઉમેરી બીજા ભાગ થી કવર કરી લો.

તૈયાર છે ચોકલેટ વોફલ સેન્ડવીચ,તેના પર ચોકલેટ સીરપ સ્પ્રેડ કરી સર્વ કરો.