સૌપ્રથમ એક વાસણ લઈ તેમાં રૂમ ટેમ્પરેચર પર રાખેલું બટર અને દળેલી ખાંડ ઉમેરવા. બંને વસ્તુને વ્હિસ્ક ની મદદથી હલકુ થાય ત્યાં સુધી ફીણી લેવું. હવે તેમાં કન્ડેન્સ્ડ મિલ્ક ઉમેરીને બરાબર હલાવી લેવું. હવે તેમાં છીણેલો માવો ઉમેરીને બે મિનિટ સુધી વ્હિસ્ક ની મદદથી બરાબર ફેટવું.

હવે તેમાં વેનીલા એસેન્સ અને દૂધ ઉમેરીને પાછું ફેંટી લેવું. હવે વાસણ પર મોટી ચારણી મૂકીને તેમાં મેંદો, બેકિંગ પાવડર અને બેકિંગ સોડા ઉમેરીને ચાળી લેવું. હવે એક ચમચાની મદદથી બધી વસ્તુને બરાબર હલાવી લેવી. હવે તેમાં ઈલાયચી પાવડર ઉમેરીને હલાવી લેવું. હવે મિશ્રણને વધારે ફેટવું નહીં.

કપ કેકના ટીનમાં કપ કેક લાઈનર મૂકી એમાં તૈયાર કરેલું માવા કેક ના મિશ્રણ ને એક સરખા ભાગમાં વહેંચી દેવું. દરેક કેકની ઉપર અડધા કાજુનો ટુકડો મૂકવો. હવે તેને પ્રિહિટ કરેલા ઓવનમાં 180 ડિગ્રી પર 12 થી 14 મિનિટ સુધી અથવા તો ગોલ્ડન બ્રાઉન રંગનું થાય ત્યાં સુધી બેક કરવું. હવે તેને 10 થી 15 મિનિટ સુધી ઠંડુ થવા દેવું.

માવા કેક ને એર ટાઈટ કન્ટેનરમાં સ્ટોર કરવી. આ કેક દિવાળી કે રક્ષાબંધન જેવા વાર તહેવારે ગિફ્ટ પેક કરીને ભેટ તરીકે પણ આપી શકાય.