સૌપ્રથમ પાલક ને ધોઇ ને સમારી લેવું. હવે પાલક ને બાફી ઠંડી કરવી.હવે તેની ગ્રેવી તૈયાર કરવી.

ત્યારબાદ મિકસર જારમા ડુંગળી, લસણ અને આદુ નાંખી પેસ્ટ કરવી. મકાઇ ના દાણા ને કુકરમાં પાણી ઉમેરી તેમાં મીઠું અને હળદર ઉમેરી બાફી લેવું.દાણા બફાય જાય એટલે તેને ચારણી મા નિતારી લેવું. હવે પેનમાં તેલ મુકી તેમાં ખડા મસાલા અને જીરું, હીંગ નાંખી ડુંગળી ની પેસ્ટ નાખી સાંતડી લેવું.

ત્યારબાદ તેમાં મરચાં ની પેસ્ટ,ગરમ મસાલો, ધાણા જીરું પાઉડર અને મીઠું ઉમેરી સાંતડી કેપ્સીકમ ઉમેરી મિક્સ કરી પાલક ની પ્યુરી ઉમેરી મિક્સ કરી બે થી ત્રણ મિનિટ સુધી થવા દેવું. હવે તેમાં મકાઇ ના દાણા ઉમેરવા. બધું બરાબર મિક્સ કરી તેમાં છીણેલુ પનીર અને ફાય કરેલા પનીર ના પીસ ઉમેરવું. હવે તેમાં મલાઇ નાંખી મિક્સ કરી ગરમાગરમ સર્વ કરવું.