મૂળા ના પાન ને ધોઈ,ચપ્પાં ની મદદથી ઝીણાં સમારી લો,કઢાઈ માં તેલ,હીંગ અને જીરું ઉમેરી ને સાંતળો પછી તેમાં લીલાં મરચાં અને છીણેલ આદુ ઉમેરી ને હલાવી લો,પછી મૂળા ના પાન ઉમેરી ૧ મિનિટ સાંતળો પછી ૨ કપ પાણી ઉમેરી ને હલાવી ઢાંકણ ઢાંકી ને ચડવા દો,વચ્ચે વચ્ચે હલાવતાં રહો. (દર ૩ મિનિટ પછી હલાવવું)

બાઉલ માં બેસન અને થોડું દહીં ઉમેરી ને સરસ ફેટી લો પછી બાકી નું દહીં ઉમેરી ને સરસ મિક્ષ કરી લો પછી તેમાં ૨ કપ પાણી ઉમેરી ને સરસ હલાવી લો...બેસન દહીં નું મિશ્રણ તૈયાર...
હવે,મૂળા ના પાન ચડી ગયાં હશે. (૧૫ મિનિટ લાગશે)
હવે તેમાં બેસન નું દહીં મિશ્રણ અને બીજું ૨ કપ પાણી, હળદર,લાલ મરચું ઉમેરી ને હલાવતાં રહો,કઢી માં એક ઉભરો આવે એટલે મીઠું ઉમેરી ને હલાવી લોને ગેસ ની ધીમી આંચ પર રાખી ને ૧૦ મિનિટ સુધી ઉકળવા દો, હલાવતાં રહેવું.

કઢી સરસ ઉકળી જાય એટલે તેમાં જીણી સમારેલી કોથમીર ઉમેરી ને મિક્ષ કરી લો પછી એક વધારિયાં માં તેલ ગરમ કરી તેમાં જીરુ ઉમેરી ને તતડે એટલે ગેસ બંધ કરી દો ને હીંગ અને લાલ મરચું ઉમેરી સરસ મિક્ષ કરી લો ને કઢી માં ઉમેરી ને સરસ હલાવી લો

આ તૈયાર કરેલ મૂળા ના પાન ની કઢી ને બાઉલમાં કાઢી લો.
આ કઢી ને પીરસી શકાય.