કઢાઈ માં તેલ ગરમ કરી તેમાં રાઈ,જીરું ઉમેરો, તતડે એટલે બટાકા ના કટકાં અને ફલાવર ના કટકાં ઉમેરી ને સરસ હલાવી લો, પછી તેમાં સ્વાદ મુજબ મીઠું અને હળદર ઉમેરી ને સરસ હલાવી લો,એકાદ મિનિટ પછી ૪ ચમચી પાણી ઉમેરી ને સરસ મિક્ષ કરી ઢાંકણ ઢાંકી ને ગેસ ની ધીમી આંચ પર રાખી ને ચડવા રાખો.

પ્યુરી બનાવવા માટે : સામગ્રી એકત્રિત કરી લો. ટામેટાં, આદુ અને લાલ મરચાં ના કટકાં કરી,મિક્ષચર જાર માં પીસી લો.
પેન માં તેલ ગરમ કરી તેમાં જીરું,લવિંગ,તમાલપત્ર અને તજ ઉમેરી ને સાંતળો, પછી તેમાં હીંગ ઉમેરી ને હલાવો, ટામેટાં ની પ્યુરી ઉમેરી ને મિક્ષ કરો, પ્યુરી ના ભાગ નું મીઠું ઉમેરી ને સરસ સાંતળો.
લાલ મરચું અને ધાણા જીરું પાઉડર અને ચપટી હળદર ઉમેરી ને સરસ ભેળવી લો. પાણી ઉમેરી ને સરસ હલાવી લો,તેલ છૂટું પડે ત્યાં સુધી થવા દો.

કઢાઈ માં ઢાંકણ ખોલી ને શાક ને તપાસો,જો શાક ચડી ગયું હોય તો તૈયાર કરેલ ટામેટાં મરચાં ની ગ્રેવી ને શાક માં ઉમેરી ને સરસ મિક્ષ કરી લો ને પાણી થોડું બળે પછી તેમાં ગરમ મસાલો અને કોથમીર ઉમેરી હલાવો ને એકાદ મિનિટ પછી ગેસ બંધ કરી દો.
તૈયાર ગરમાગરમ ફલાવર બટાકા ના શાક ને પીરસો.

નોંધ - આ શાક બનાવવા માટે લસણ ડુંગળી નો ઉપયોગ કર્યો નથી....તમે ડુંગળી લસણ ના ઉપયોગ કરી ને પણ બનાવી શકો.