સૌ પ્રથમ સૂકા મસાલા માટે ના ઘટકો લઇ તેને ડ્રાય રોસ્ટ કરી ને ઠંડા થાય પછી મિક્સર જાર માં પીસી લેવું.

સફેદ વટાણા ને 6-7 કલાક પલાળી રાખવા.ત્યારબાદ કુકર માં વટાણા ડૂબે એટલું પાણી, હળદર,મીઠું અને ડુંગળી ના ટુકડા ઉમેરી 3-4 સિટી વગાડી બાફી લેવા.

હવે પેન માં તેલ, ઘી ગરમ બટેકા ના ટુકડા સાંતળી લેવા.તેની સાથે નાળિયેર ની કતરણ ને પણ સાંતળી બંને ને પ્લેટ માં કાઢી લેવું.એ જ તેલ માં ડુંગળી ઉમેરી સાંતળો.

હવે તેમાં આદુ મરચા અને લસણ ની પેસ્ટ ઉમેરો.1 મિનિટ પછી ટામેટું અને રૂટિન મસાલા ઉમેરી 2 મિનિટ ચડવા દો.ત્યારબાદ બટેકા અને નાળિયેર ઉમેરી દેવા.

હવે બાફેલા વટાણા તેના પાણી સહિત ઉમેરવા.તેમાં સૂકો મસાલો 2 ચમચી અને ખાંડ,આમલીનું પાણી ઉમેરી દેવું.બટેકું ચડી જાય ત્યાં સુધી રહેવા દો.

હવે તેમાં કોથમીર ઉમેરી ઉતારી લો.તેને સરવિંગ પ્લેટ માં લઇ,ડુંગળી,સેવ,સૂકો મસાલો,આંબલી નું પાણી,મરચા ના ટુકડા અને કોથમીર ઉમેરી સર્વ કરવું. દાડમ ના દાણા પણ સરસ લાગે છે.