સૌથી પહેલા બધી સામગ્રી રેડી કરી દો અને કોપરા ને 2કલાક પાણી માં પલાળી રાખો. પછી કોરા કરી ટુકડા કરી મિક્સર માં થોડું કકરું રહે તે રીતે ક્રશ કરી વાસણ માં લો તેમજ બધા ડ્રાયફ્રુટ પણ કોરા શેકી ક્રશ કરી દો.

હવે મોટી તાવડી માં ઘી લઇ તેમાં અડદ નો લોટ ધીમા તાપે 10 - 12 મિનિટ શેકી તેમાં ગુંદર પાઉડર પણ નાખી 5 મિનિટે શેકી પછી ગેસ બંધ કરી જેમાં લાડુ વાળવા ના છે તે મોટા વાસણ માં નાખી દો.

હવે તેજ તાવડી માં ઘી લઇ તેમાં ઘઉં નો કકરો લોટ 10-12 મિનિટે શેકી તેમાં ક્રશ કરેલું કોપરું પણ સાંતળી 5 મિનિટ પછી ગેસ બંધ કરી મોટા વાસણ માં જ નાખી દો જેમાં અડદ નો લોટ પણ મુક્યો છે તેમાં જ બધું ભેગુ કરો.પછી ચણા નો લોટ પણ ઘી માં 5-7 મિનિટ શેકી મોટા વાસણ માં જ નાંખી દો.

હવે તે જ તાવડી માં ઘી લઇ ગોળ નો પાયો કરી 2 મિનિટ પછી ગેસ બંધ કરી મોટા જ વાસણ માં જ ભેગુ કરો.

મોટા વાસણ માં જે બધું ભેગુ કર્યું છે તેમાં સૂંઠ, ગંઠોડા પાઉડર, મેથી પાઉડર, તાજ, લવિંગ અને ઇલાયચી પાઉડર,જાયફળ પાઉડર, કાજુ બદામ ક્રશ કરેલું જે મિશ્રણ છે તે નાખી હલાવી ઠંડુ થાય પછી મિશ્રણ માંથી લાડુ વાળી દો.મેં લાડુ વાળવા નાં મોલ્ડ માં લાડુ બનાવ્યા છે.