સૌ પ્રથમ કોપરા ની કાચલી ને ઝીણી છીણી થી છીણી લો.બદામ ને મિક્સર માં વાટી પાઉડર બનાવી લો.એ જ રીતે ચારોળી,મગજતરી ના બી,ખસખસ ને પણ મિક્સર માં વાટી પાઉડર બનાવી લેવો.

એક કડાઈ માં થોડું ઘી લઈ ગરમ મૂકી ઘી ગરમ થાય એટલે તેમાં અડદ નો કકરો લોટ મીડીયમ આંચ પર થોડો ગુલાબી થાય એટલે ગુંદર ના પાઉડર નો ૩ જો ભાગ ઉમેરી હલાવી એક મોટા બાઉલમાં કાઢી લેવો.એ જ રીતે ઘી માં ચણા અને ઘઉં નો લોટ પણ શેકી મોટા બાઉલમાં બધા શેકેલા લોટ કાઢી લેવા.

એ જ મોટા બાઉલમાં છીણેલા કોપરા નું છીણ, બદામ પાઉડર,સૂંઠ પાઉડર,ગંઠોડા પાઉડર,ચારોળી પાઉડર,ખસખસ પાઉડર,મગજતરી નો પાઉડર,ઇલાયચી પાઉડર ઉમેરી બધું બરસબર હલાવી મીક્સ કરવું.

હવે એક કડાઈમાં બાકી નું ઘી લઈ ગરમ મૂકી તેમાં ગોળ ઉમેરી સતત હલાવી ઓગળે એટલે તેને લોટ વાળા મિશ્રણ માં ઉમેરી હલાવી મીક્સ કરવું.મિશ્રણ થોડું ઠંડુ (રૂમ ટેમરેચર) થાય એટલે તેમાં મેથી પાઉડર,દળેલી ખાંડ,તૈયાર વસાણું ઉમેરી બધું બરાબર મીક્સ કરી ગ્રીસ કરેલી થાળી/ટ્રે માં નાંખી ઠારી દેવું પછી તેના પીસ કરી લેવા અને ડબ્બા માં ભરી લેવા.

તો તૈયાર છે શિયાળા માં ખવાતું એક વસાણું મેથીપાક.