કારેલા છોલી, વચ્ચે થી બીજ કાઢીને ને લાંબી ચીરી કરી તેમાં મીઠું ચોળવુ. બટાટા ની છાલ ઉતારી ને કારેલા જેવી ચીરી કરી ૧૦ મિનિટ મીઠા વાળા પાણી માં પલાળી રાખો.

૧૦ મિનિટ પછી બટેટા ની ચીરી પાણી માં થી બહાર કાઢી અને કીચન ટોવલ પર સૂકાવી/ ડ્રાય કરી તેમાં ૧ ટેબલ સ્પૂન તેલ નાખી ને એર ફ્રાયર માં ૧૦-૧૨ મિનિટ એરફ્રાય (ગુલાબી રંગ, કડક શેકી લો)૧૮૦ તાપમાન પર. એવી રીતે કરેલા ની ચીરી ને નીચોવી પાણી કાઢી લો, ૧ ટેબલ સ્પૂન તેલ નાખી ને મિક્સ કરી અને એર ફ્રાયર માં કડક ગુલાબી રંગ ની શેકી લો. બન્ને મિક્સ કરી લો.

એક કઢાઈમાં૧ ટેબલ સ્પૂન તેલ ગરમ કરી તેમાં કાજુ, શીંગ દાણા, કાળી દ્રાક્ષ અને કીસમીસ નાખી ને ૧/૨ મિનિટ સાંતળવા. પછી એમાં હળદર લાલ મરચું પાવડર ગરમ મસાલો, ઘાણા જીરું પાવડર, આદુ મરચા ની પેસ્ટ, સફેદ તલ, બુરું ખાંડ, નારિયેળ નું ખમણ, મીઠું સ્વાદાનુસાર નાખી બરાબર હલાવી લો.

હવે એમાં એરફ્રાય કરેલા બટાકા- કારેલા ની ચીરી નાખી ને મિક્સ કરી દો.

સ્વાદિષ્ટ પંચરત્ન કારેલા નું શાક,આમ રસ, પુરી, પટ્ટી સમોસા, મેંગો પેંડા,દાળ- ભાત, ખીચીયા પાપડ સાથે એનું સ્વાદ માણો.