ટામેટા, આદુલસણ ની પેસ્ટ અને લીલા મરચાં ની પેસ્ટ ને ગ્રાઈન્ડ કરી પ્યુરે બનાવી બાઉલ માં કાઢી લો. એક કઢાઈ માં તેલ ગરમ કરો અને એમાં સ્લાઈસ કરેલા કાંદા ફ્રાય કરો. કાંદા બદામી રંગ ના થાય એટલે મિક્ષર માં કાંદા ની પેસ્ટ કરો.

ફરી એજ કઢાઈ માં પુરતું તેલ લઇ, એમાં એલચી, લવિંગ, તજ અને તેજ પાન ને અડધી મિનીટ ફ્રાય કરો. પછી એમાં ટામેટા ની પ્યુરે ઉમેરી મીડીયમ તાપે ૭-૮ મિનીટ કુક કરો. હવે, બ્રાઉન કાંદા ની પેસ્ટ, લાલ મરચું પાવડર, મીઠું, હળદર, ધાણાજીરું પાવડર અને કિચન કિંગ મસાલા ઉમેરી ૨-૩ મિનીટ ફ્રાય કરો.

આ મિશ્રણ માં મેરીનેટ કરેલા ચાપ ના પીસ અને કસુરી મેથી ઉમેરી એકદમ સરસ મિક્ષ કરો. ૧-૨ મિનીટ કુક થાય એટલે ૩-૪ કપ પાણી ઉમેરી મિક્ષ કરો. ઢાકણ ઢાંકી ધીમા તાપે ૯-૧૦ મિનીટ કુક કરો. સોયા ચાપ મસાલા માં સરસ તેલ ની તરી આવી જશે એટલે ગેસ બંધ કરી દેવો.

સોયા ચાપ મસાલા તૈયાર છે. કોથમીર ભભરાવી પરોઠા સાથે સર્વ કરો.