सर्वप्रथम एक लिटर दुधापासून कमी आंबट दही तयार करून घेतले. ती जमवलेली दही एका सुती कापडात घालून पाणी काढून घेतले. त्यापासून घट्ट चक्का तयार करून घेतला.

नंतर तो चक्का एका बाऊलमध्ये काढून चांगल्या प्रकारे फेटून घेतला. आणि तो चक्का चांगल्याप्रकारे मऊसर करून घेतला. नंतर एक आंबा घेऊन तो स्वच्छ पाण्याने धुऊन घेतला. नंतर ते आंब्याची साले काढून त्याचे बारीक तुकडे करून घेतले आणि त्याचा गर तयार करून घेतला. हव्या त्या प्रमाणात एका बाऊलमध्ये एक छोटी वाटी दह्याचा चक्का, एक छोटी वाटी पिठीसाखर, एक छोटी वाटी आंब्याचा गर आणि थोडी वेलची पूड हे सर्व चांगल्या पद्धतीने एकजीव करून घेतले. अशाप्रकारे आम्रखंड तयार केले.

आता स्ट्रॉबेरी घेऊन तिचा मिक्सर मध्ये गर तयार करून घेतला. नंतर एक वाटी दह्याचा चक्का, एक वाटी पिठीसाखर, एक वाटी स्ट्रॉबेरी गर, आणि थोडी ड्रायफ्रूट एका बाउल मध्ये घेऊन ते एकजीव करून घेतले. अशाप्रकारे स्ट्रॉबेरी श्रीखंड तयार केले.

एक वाटी दह्याचा चक्का, एक वाटी पिठीसाखर, दहा ते बारा केसर च्या काड्या, आणि थोडी वेलची पूड हे सर्व एका बाऊलमध्ये फेटून घ्यावे, अशाप्रकारे केशर श्रीखंड तयार केले.

एक वाटी स्वच्छ धुतलेली हिरवी द्राक्षाचा गर, एक वाटी दह्याचा चक्का, एक वाटी पिठीसाखर एका बाऊलमध्ये घेऊन एकजीव करून घेतले आणि अशाप्रकारे द्राक्ष श्रीखंड तयार केले.

एक वाटी जांभळी स्वच्छ धुतलेली द्राक्षाचा गर, एक वाटी दह्याचा चक्का, एक वाटी पिठीसाखर एका बाऊलमध्ये घेऊन फेटुन घेतले आणि अशाप्रकारे जांभळी द्राक्षाचे श्रीखंड तयार केले.

एका बाऊलमध्ये एक वाटी दह्याचा चक्का, एक वाटी पिठीसाखर, थोडी वेलची पूड, बदम आणि पिस्ता प्रमाणात घेऊन एकजीव करून घेतला आणि अशाप्रकारे बदाम पिस्ता श्रीखंड तयार केले