चला तर बनवूया मस्त पालक पनीर. मी ही भाजी घी मध्ये बनवलेली आहे. सर्वप्रथम पालक दोन ते तीन पाण्यातून चांगला धुऊन घ्यावा व पातेल्यात गरम पाणी करून तो त्याच्यामध्ये टाकून एक दोन ते तीन मिनिटं वाफवून घ्या.

वाफवलेला पालक गरम पाण्यात न काढून लगेच गार पाण्यात काढून घ्या.पालक थंड झाला की तो मिक्सरच्या भांड्यात काढून त्यामध्ये हिरवी मिरची व कोथिंबीर टाकून मिक्सरला बारीक पेस्ट करून घ्या

एक पेन घेऊन त्यामध्ये घी घेऊन जिऱ्याची फोडणी द्यावी जिरे तडतडले की त्यामध्ये उभा लांब चिरलेला कांदा टाकुन तो चांगला लालसर परतून घ्यावा. कांदा थोडा लाल सर झाला की त्यामध्ये ठेचलेली आले लसून पेस्ट टाकावी. व ते चांगले परतून घ्यावे. परतलेला कांदा पेस्ट मध्ये हळद लाल तिखट धनेजिरे पूड टाकून चांगले परतून घ्यावे.

मसाला चांगला परतला की त्यामध्ये पालक पुरी टाकून मिक्स करून घ्यावी. एक ते दोन मिनिट परतून मग दही टाकुन परत मिक्स करावे.

भाजीमध्ये दही चांगले मिक्स करावे. त्यामध्ये काळे मीठ व चवीप्रमाणे आपलं साधं मीठ टाकुन मिक्स करावे.दोन-तीन मिनिटं परतून भाजी चांगली परतून घ्यावी व त्यामध्ये दोन चमचे दुध व एक चमचा गव्हाचे पीठ टाकुन मिक्स करावे व पनीरचे तुकडे टाकून पनीर भाजी मध्ये चांगले मिक्स करून घेऊन परतून घ्यावे.

गरमागरम पालक पनीर तंदुरी रोटी बरोबर सर्व्ह करावे.