नुसती कढी म्हटली तरी आवडते. पण त्यात पकोडे असतील तर? एकदम सगळे खुश. आज आपण बघुया कढी पकोडे. इथे आहे लागणारी सामग्री.

प्रथम ताक तयार ठेवावे. जर नसेल तर दह्यात पाणी घालून ताक करून घ्यावे.

त्यात तांदूळ पीठ घालून गुठळ्या फोडाव्यात. आणि मीठ घालून बाजूला ठेवावे.

पकोडे करण्यासाठी डाळीच्या पीठमध्ये ओवा, मीठ, लाल तिखट आणि थोडे तेल घालून एकत्र करावे. मग त्यात पाणी घालावे. हे पीठ भजिसरखे इतके पातळ नसावे.

तो पर्यंत तेल तापायला ठेवून त्यात छोटे छोटे पकोडे सोडावेत.

पकोडे छान गुलाबीसर तळून घ्यावेत.

तळलेले पकोडे गरम असतानाच मीठ घातलेल्या गरम पाण्यात घालावेत म्हणजे छान मऊ होतील.

एका कढईमध्ये तेल घेऊन आता कढी साठी फोडणी करायची आहे. त्यात मोहरी, जिरे, लवंग, मिरची, कढीपत्ता घालून फोडणी करून घ्यावी.

तयार झालेली फोडणी बाजूला ठेवलेल्या ताकात ही फोडणी घालावी. नंतर एक उकळी आणून हलवत रहावे.

उकळी आल्यानंतर त्यात गरम पाण्यात ठेवलेलं पकोडे घालून २-३ मी उकळी येऊ द्यावी. अशाप्रकारे केलेली पकोड्याची कढी सगळ्यांनाच नक्की आवडेल.