सर्वप्रथम चिकन स्वच्छ धुवुन त्याचे छोटे छोटे तुकडे करून घ्या. आता त्या तुकड्यांना आपण मॅरीनेशन करूया त्यासाठी सर्वप्रथम आपण आले-लसूण पेस्ट व मीठ, तिखट, चिकनला व्यवस्थित लावून घ्यावे. त्यानंतर त्यामध्ये चिली सॉस व विनेगर टाकावा. तेही व्यवस्थित लावून घ्यावे. त्यानंतर त्यामध्ये दूध टाकावे. त्यानंतर त्यांना व्यवस्थित मिक्स करून घ्यावे. हे मिश्रण आपल्याला एक तास फ्रिजमध्ये ठेवून द्यायचे आहे.

एक तासानंतर ते फ्रीजमधून काढावे. त्यानंतर त्यामध्ये एक अंडे फोडून टाकावे. पुन्हा एकदा चिकन व्यवस्थित मिक्स करून घ्यावे. एका भांड्यामध्ये आपल्याला कोटिंग तयार करून घ्यायचे आहे हे ड्राय कोटिंग आहे. त्यासाठी मैदा, कॉर्नफ्लोअर, चिली फ्लेक्स व मीठ टाकून व्यवस्थित मिक्स करून एका साईटला ठेवून द्यावे.

त्यानंतर चिकनचे पीस ड्राय मिश्रणामध्ये घोळवून घ्यावे. व एका प्लेटमध्ये काढावे. हे आपण पहिलं कोटिंग केलं आहे आता आपल्याला पुन्हा एक कोटिंग करायचा आहे त्यासाठी मॅरीनेशनचं जे पाणी उरेल. त्यामध्येच थोडंसं साधं पाणी टाकून घ्यायचं व पुन्हा एकदा हे पीठ लावलेले चिकनचे पीस त्या पाण्यामध्ये ओले करायचे. व पुन्हा ड्राय मिश्रणामध्ये हे घोळवून घ्यायचे. त्याला डबल कोटिंग करणे असे म्हणतात.

तेल गरम करून घ्या. त्यामध्ये हे चिकनचे पीसेस तळून घ्या. हे पीस आपल्याला डीप फ्राय करायचे आहेत. व अशाप्रकारे आपले तयार होतील चिकन पॉपकॉन टोमॅटो सॉस बरोबर सर्व्ह करा.